اسلام آباد، سینیٹ نا قائمہ کمیٹی تا چیئرمین تا گچین کاری نا چرجوئی سے شنبے نادے آ ہم برجائس، اِراکمیٹی تا چیئرمین گچین

اسلام آباد۔ 25 جون (اے پی پی) سینیٹ نا قائمہ کمیٹی نا چیئرمین تا گچین کاری نا چرجوئی سے شنبے  آہم برجائس، سینیٹ نا اِرا کمیٹی نا چیئرمین تے گچین کننگا۔ سینیٹ سیکرٹریٹ نا بیان نا رداٹ قائمہ کمیٹی دفاعی پیدوار نا چیئرمین نا گچین کاری کن دیوان اس اڈ ہلک، سینیٹر عبدالشکور خان سینیٹر محمد عبدالقادر نا پن ءِ چیئرمین کمیٹی کن سلاہ کرے وخت ا س کہ سینیٹر سیف اللہ ابڑو تائید کرے۔ چیئرمین قائمہ کمیٹی پارے کہ دفاعی پیدوار نا شعبہ بھاز اہمیت تخک دا بشخ انا گچینی کن اواری اٹ کاریم کینہ و ہندن ءُ سلاہ وسوج شین تننگک ہراڑآن دفاعی پیدوار پین گچینی اتنگ مرے۔ سینیٹر پروفیسر ساجد میر ءِ سینیٹ نا قائمہ کمیٹی امور کشمیر و گلگت بلتستان نا چیئرمین نا وڑٹ گچین کننگا۔ اونا پن بطور چیئرمین قائمہ کمیٹی سینیٹر اعظم نذیر تارڑ سلاہ کرے وخت اس کہ سینیٹر فلک ناز تائید کرے۔ پوسکن گچین مروک چیئرمین پروفیسر ساجد میر غٹ باسک آتا پت آ منت واری ءِ ہرفے و پارے کہ کمیٹی نا باسک آتا سلابت اٹ مون آ کانہ۔ اوپارے کہ کمیٹی نا داکوشست مریک کہ ہندن ءُ گام گیج کننگے ہراڑآن گچینی اتنگ مرے۔