اسلام آباد۔ 24 جون (اے پی پی) پاکستان پیپلزپارٹی نا باسک قومی اسمبلی سید عبدالقادر گیلانی پارے کہ سویلی پنجاب ءِ ہم شونداری اسکیم تیٹی لاہور نا بریبر بشخ تننگے، سویلی پنجاب سیکرٹریٹ ءِ بحال کننگے، مسلم لیگ (ن) نا میثاق جمہوریت آنبار میثاق معیشت اٹی ہم سپورٹ کینہ۔ دوشنبے نادے آقومی اسمبلی ٹی بجٹ 2024-25ء آ شرہ ٹی بشخ ہلسا اوپارے کہ بجٹ آ شرہ برجاءِ اومیت ءِ دا بجٹ منظور ہم مریک۔ ننے فارم 45 و فارم 47 نا طعنہ ءِ تننگک، ای گمر اٹ پاوہ کہ کنتون فارم 45 ساڑی ءِ، ای مچ آ جماعت آتے باترفسا داایوان آ سرمسونٹ۔ اوپارے کہ مسلم لیگ (ن) ءِ نن میثاق جمہوریت اٹ سپورٹ کرین ، ملک انا گیشتر مفاد نا خاطر نن میثاق معیشت اٹ ہم اوناسپورٹ ءِ کننگ خوانہ۔ اوپارے کہ ا ے ڈی بی اے ڈی پی ٹی مسہ ہزار 673 اسکیم تیان ملتان ءِ بیرہ 700 اسکیم تننگانے، ایلو مچ آ 3 ہزار لاہور ءِ تننگانے۔
