اسلام آباد۔ 24 جون (اے پی پی) ایم کیو ایم پاکستان نا باسک اقبال محسود پارینے کہ ایس آئی ایف سی اسہ سوچ و نظریہ سے نا پن ءِ دادے پہہ مننگ نا گرج ءِ، پیشن نا ملک سفارت خانہ غاتیٹی رہینگوک کمرشل قونصلر آتا کمک اٹ ملک اٹی زرکاری اتنگ نا کسر آوار مریک۔ دوشنبے نادے آبجٹ 2024-25ء آ شرہ ٹی بشخ ہلسا اوپارے کہ کشت وکشار ملک اٹی تمبہ نا حیثیت تخک۔ کشت وکشار ءِ ہراتم اسکان ڈکلیئر اکانومی نا وڑاٹ ہُننگپک و اوڑآ خراج خلنگپک ملک انا حالیت آک بدل مفسہ۔ اوپارےکہ تنخواہ دار تپہ غا 35 آن 40 درسد خراج خلنگ انصاف نا خواست آتیان چپ ءِ۔ اوپارے کہ ریئل اسٹیٹ سیکٹر آ خراج آتا سوب آن مشکلات بریک۔ اووزیرخزانہ غان خواست کرے کہ اوڑانظرثانی کننگے۔ اوپارےکہ ایس آئی ایف سی اسہ سوچ و نظریہ نا پن ءِ دادے پہہ مننگ نا گرج ءِ، ننے پیشن نا ملک تعینات سفارت خانہ غاتیٹی کمرشل قونصلر آتے کڑد ترسا اوفتیان بایدے کاریم ہلنگے و ایس آئی ایف سی ءِ اونا مانیٹرنگءِ کننگے۔ اوپارے کہ کناتعلق سویلی وزیرستان آن ءِ ننا ہزار آ مخلوق شہید مسنو 80 ہزار اُرا دڑنگانو اسد قیصر مخلوق ءِ ہُشکا تننگ ءِ بند کے، دا سیاسی ءُ ویل اس اف، دا انتظامی ءُ ویل اسے نن دا ویل ءِ عقل و دانش اٹ بایدے ایسر کین۔
