اسلام آباد۔ 24 جون (اے پی پی) مسلم لیگ (ن) نا قومی اسمبلی نا باسک شیخ آفتاب احمد پارینے کہ قوم پارلیمنٹ آن تہوانا یخ انگا چِرک آتا اومیت کیک، ہنداسوب آن ننے داڑے کرینگ تننگ نا جاگہ غا، سگ و صبرو افہام وتفہیم نا مون آ مون آ دوروئی مریک۔ دوشنبے نادے آ بجٹ 2024-25ء آ شرہ ٹی بشخ ہلسا اوپارے کہ بجٹ آ ہڑتوم آ کنڈآتیان چندی سلاہ بننگ اٹی ءِ دا کوشست کننگ انگ ءِ کہ نن جاگہ نا جاگہ سے آ سرمرسا بجٹ ءِ امنائی وڑاٹ منظور کرفن۔ اوپارے کہ دامقدس ایوان ہمووخت آبامعنی و مقدس مریک ہراتم نن اسہ ایلو نا شرف ءِ کینہ۔ داڑے ہرا کرینگ و بے سگی نا مزاج جوڑ مرسا کننگ ءِ تدوک آ سال تیٹی نن دُن خنتنون نن مہالو غٹ باندات آتے افہام و تفہیم اٹ ایسرکرینہ کرینگ نا ہرا رواج بناکرینے، خدارا اودے کنٹرول کرسا گچین وڑاٹ تینا باندات آتے چلیفبو۔ قوم پارلیمنٹ آن خاخر ناآخا یخ انگا تہو نا اومیت تخک۔ ننے تینا رویہ غاتے بدل کروئی مریک ننا رویہ گچین مریک تو داایوان مقدس ایوان اس جوڑمریک ۔ اوپارے کہ ذوالفقار علی بھٹو ءِ شہید کننگا، نواز شریف ءِ و ایلو سیاست دان تے اٹک قلعہ ٹی تخنگا، سیاست دان آتون نامناسب برتاؤ کننگا۔ اوپارے کہ نن داسہ ولدا ہموہیت آتے یات کپن، نن ہندن ءُ چاگڑد اس ودی کین تانکہ نن افہام و تفہیم اٹ مون آ ہِننگ کین۔
