اسلام آباد۔ 24 جون (اے پی پی) بنجائی وزیر ڈٹ بندی احسن اقبال پارینے کہ مون آ بروک ٹیکنالوجیک پاکستان کون آ ملک اکن اہم چیلنج ءُ وخت اس کہ بے پناہ وارخواہی ہم فراوان کننگ اٹی ءُ، ہراڑآن نن بایدے پبی فائدہ ہرفن۔ داخیال آتا درشانی ءِ او دوشنبے نادے آ فزکس و عصری گرج آتیا 49 می جہانی نتھیاگلی سمر کالج نا بنائی دود آن تران اٹی کرے۔ …
مون آ بروک ٹیکنالوجیک ملک اکن اہم چیلنج ءُ ولے بے پناہ وارخواہی ہم فراوان کننگ اٹی ءُ، احسن اقبال
گیشتریں ھال
اسلام آباد۔ 24 جون (اے پی پی) بنجائی وزیر ڈٹ بندی احسن اقبال پارینے کہ مون آ بروک ٹیکنالوجیک پاکستان کون آ ملک اکن اہم چیلنج ءُ وخت اس کہ بے پناہ وارخواہی ہم فراوان کننگ اٹی ءُ، ہراڑآن نن بایدے پبی فائدہ ہرفن۔ داخیال آتا درشانی ءِ او دوشنبے نادے آ فزکس و عصری گرج آتیا 49 می جہانی نتھیاگلی سمر کالج نا بنائی دود آن تران اٹی کرے۔ دود اٹی چیئرمین پاکستان اٹامک انرجی کمیشن، ڈاکٹر علی رضا انور تون اوار مچ آ دنیا نا سائنسدان و طالب علم آک بشخ ہلکر۔ دود آن تران کرسا بنجائی وزیر نا پاننگ ئس کہ پاکستان کون آ پدتموک ملک اکن دا جہانی کانفرنس سائنسی سرجزآتے مون آدننگ نا روایت اس جوڑ کرینے ہراڑآن بایدے پبی فائدہ ہرفنگے۔ داوخت آ او پاکستان اٹامک انرجی کمیشن ءِ تدوک آ 49 سال آن دا جہانی کانفرنس نا مہمانداری آ مبارکبادی ہم تس۔ دود آن تران کرسا بنجائی وزیر نا پاننگ ئس کہ حکومت کوانٹم، کمپوٹنگ و انجینئرنگ نا بشخ آتیٹی زرکاری کننگ اٹی ءِ۔ اونا مستی پاننگ ئس کہ ڈیجیٹل دور انا اہمیت ءِ مون آ تخسا حکومت یونیورسٹی تیٹی نیشنل سینٹرز آف ایکسی لینس جوڑ کرے ہراڑآن طالب علم آک پبی فائدہ ہرفنگ اٹی ءُ۔ یات سلے کہ 2018 آن ہلیس داتم اسکان بنجائی وزیر ڈٹ بندی نا پارت آ مچ آ ملک انا جامعہ غاتیٹی چندی نیشنل سینٹر جوڑ کننگاسس ہرافتیان ہزار آ طالب علم پبی فائدہ ہرفنگ اٹی ءُ۔
