اسلام آباد۔ 24 جون (اے پی پی) بنجائی وزیر صنعت و پیدوار رانا تنویر حسین دوشنبے نادے آ ترکمانستان نا 3 دے ئی سرکاری دورہ غا روانہ مس۔ وزارت صنعت و پیدوار نا ترجمان نا کنڈآن جاری بیان نا رداٹ وزارت صنعت و پیداوار و نیشنل فوڈ سیکورٹی اینڈ ریسرچ نا سینئر آفیسر آتیا تالان بڑزکو کہولی ڈل ہم بنجائی وزیر تون اوار ءُ۔ دورہ ٹی ترکمانستان تون ہڑتوم آکنڈآتا واپار، اقتصادی تعلقداری، صنعتی و کشاریکمکاری آ گپ وتران مریک۔ داکان بیدس توانائی نا بشخ اٹی کمکاری آ ہم گپ وتران کننگک۔ ترجمان پارے کہ ڈل دورہ ٹی ترکمانستان نا صدر سردار بردی محمدوف تون اوڑدہی کیک وخت اس کہ ترکمانستان نا قومی راہشون و پیپلزکونسل آف ترکمانستان نا چیئرمین گربنگولی بردی محمدوف تون ہم اوڑدہی مریک۔
