اسلام آباد۔23جون (اے پی پی):مسلم لیگ( ن) ءِ باسک علی زاہد ءَ گوشتگ کہ ملک ءِ معاشی جاور گہتر بوتگ انت ، محمد نواز شریف ءُ مئے گل آنی منشور ءِ بنیاتی ایجنڈا ایش انت کہ ملک ءِ لس مردم آناں ریلیف دیگ بہ بیت۔ یک شمبے ءِ روچ ءَ راجی اسامبلی ءَ ایوکیں مالی سال ءِ بجٹ ءِ سر ءَ لس باست ءُ واست گران ءَ آئی ءَ گوشت …
مسلم لیگ ن ءِ منشور ءِ بنیاتی ایجنڈا الس ءَ را ریلیف دیگ انت، علی زاہد
گیشتریں ھال
اسلام آباد۔23جون (اے پی پی):مسلم لیگ( ن) ءِ باسک علی زاہد ءَ گوشتگ کہ ملک ءِ معاشی جاور گہتر بوتگ انت ، محمد نواز شریف ءُ مئے گل آنی منشور ءِ بنیاتی ایجنڈا ایش انت کہ ملک ءِ لس مردم آناں ریلیف دیگ بہ بیت۔ یک شمبے ءِ روچ ءَ راجی اسامبلی ءَ ایوکیں مالی سال ءِ بجٹ ءِ سر ءَ لس باست ءُ واست گران ءَ آئی ءَ گوشت کہ ملک ءَ را معاشی ڈکال ءَ چہ در کنگ ءِ واستہ محمد شہباز شریف ءَ را مزن وزیر گچین کتگ۔ آئی ءَ گوشتگ کہ محمد نواز شریف ءِ سروکی ءُ رھشونی ءُ ھمبراہ داریں گل آنی شور ءُ مشور ءَ چہ مزن وزیر پاکستان محمد شہباز شریف ء آئی ءِ کابینہ ءَ شپ ءُ روچ محنت کتگ ءُ اے بجٹ داتگ۔ آئی ءَ گوشت کہ بجٹ پیش کنگ ءِ پد ءَ علی پرویز ملک وزیر ءِ ھزانگ ءُ آئی ءِ سرجمیں معاشی ٹیمب ءَ را مبارک بات پیش کناں۔ آئی ءَ گوشت کہ مئے حکومت ءَ را آیگ ءَ انوگ ءَ تاں 3 ماہ بوگ ءُ معاشی جاور گہتر بوھگ ءَ انت، اسٹاک ایکسچینج برز تر بوھگ ءَ انت۔
