پاکستان  ءِ میزبانی  ءَ سیمی پاک  چین  یکجائی شور ءُ مشوری  میکنزم  ءِ  دیوان،  سیاسی  گل آں سی پیک ءِ کمک ءُ  مھکم  تر   یں  دو نیمگی   یکوئی آنی واستہ   بے دروریں  تپاکی  کنگ ءِ  درشان

اسلام آباد۔21جون  (اے پی پی):پاکستان بنجاھی  لڑ  ءِ توامیں  سیاسی گل آں چین  پاکستان  اقتصادی   راہداری   سی پیک ءِ   گیشاں چہ گیش  کمک  کنگ ءِ واستہ   بے دروریں  تپاکی ءِ درشان  کتگ ءُ سروک  آں  توامیں رنگیں   جزم  آناں  ناکام  جوڑ  کنان ءَ پاکستان  ءُ چین ءِ   نیام ءَ دو نیمگی   یکوئی آناں گیش  مھکم جوڑ  کنگ ءِ واستہ  وتی  پکوئیں جزم  ءِ درشان  کتگ۔ اے   سیاسی  تپاک  نامہ  آدینگ ءِ روچ  ءَ سی پیک پاکستان چائنا پولیٹیکل  پارٹیز  فورم    ءُ سی پیک پولیٹیکل  پاترٹیز  یکجائی  شور ءُ مشوری  میکانزم ءِ سیمی دیوان ءَ    گندگ بوت ایشی  ءِ یکجائی  سروکی    نائب  مزن وزیر ءُ وزیر ء درئی   درئی کار  اسحاق  ڈار   ءُ کمیونسٹ پارٹی آف چائنا  ءِ میاں اوستمانی  شوبگ ءِ  وزیر ءُ  کیمونسٹ پارٹی ءِ بنجاھی  کمیٹی ءِ باسک  لیوجیان  چاو ءَ   کت  آ  پاکستان  ءِ  سئے روچی   تر ءُ تاب ءَ اِنت۔  مراگش ءَ   چیئرمین سینیٹ   سید یوسف  رضا  گیلانی  ءُ راجی اسمبلی  ءِ اسپیکر  سردار ایاز صادق   ءِ گوما    توامیں   ٹوھیں  سیاسی  گل آنی  کلانہ ایں سروک آں   دیوان ءَ  بھر زوری  کت  ایشانی  تہءَ  وزیر   منصوبگ بندی ءُ دیمروئی  کار احسن  اقبال، ایم کیو ایم ءِ خالد  مقبول  صدیقی، جے یو آئی   (ف) ءِ مولانا  فضل الرحمان،  پیپلز پارٹی    ءِ حنا ربانی کھر،   پاکستان  تحریک انصاف   ءِ  سینیٹر  سید علی غفر  ،  استحکام پاکستان  پارٹی ءِ منزہ  حسن،  نیشنل پارٹی ءِ سینیٹر جان  محمد،   کلانہ ایں   سیاستدان   افراسیاب  خٹک  ءُ ایندگر  سروک     ھوار اتنت۔