مسلم لیگ (ن)ءِ حکومت ءَ دائمءَ ملک ءَ وشھالی آھورتگ، تحریک انصاف ءِ چارسالی دورءَ ایچ وڑیں منصوبگ آرگ نہ بوتگ، راجی اسمبلی ءَ بنجاہی  بجٹ ءِ سرءَ باستءُ واست ءِ تہا  باسکانی ھیالءُ لیکہءِ درشانی

اسلام آباد۔21جون  (اے پی پی): راجی اسمبلی ءِ تہا آیوکیں مالی سال 25 ۔ 2024  ءِ بنجاہی بجٹ ءِ سرءَ لھس باست ءُ واست جاڑی بوتگ کہ آئی ءِ تہا اپوزیشن ءَ بہر زُرتگءُ بجٹءَ را ایر جتگ ، وہدے کہ حکومتی باسکاں بجٹءَ را اُلس دوست لیک اِتگ۔ جمعہ ءِ روچءَ راجی اسمبلی ءِ تہا بنجاہی بجٹ ءِ سرءَ گپ کتگءُ مسلم لیگ(ن) ءِ باسک آسیہ ناز تنولی ءَ گشتگ کہ مسلم لیگ(ن) ءَ کراچی ءَ را یک رندے پدا روژناہ کتگ، ملکءِ تہا امنءُ ایمنی کتگ، ناشرکاری ہلاس کتگ، لوڈ شیڈنگ ہلاس کتگ، مسلم لیگ(ن) ءِ حکومتءَ دائمءَ ملک ءِتہا وشھالی آھورتگ، تحریک انصاف ءِ چارسالی دورءَ  ایچ وڑیں منصوبہ بندات کنگ نہ بوتگ۔ سنی اتحاد کونسل ءِ باسک عمر فاروق ءَ بجٹ  باستءُواستءِ تہا بہر زُرتگءُ  گشتگ کہ  اے بجٹءَ چہ نیزگاریں اُلس ءِ جیڑھ ءُ جنجال گیش بنت، پگار گریں  تبک ءِ سرءَ ٹیکس ءِ بار  گیش بیت، دھکاناناں ایچ وڑیں ریلیف دیئگ نہ بوتگ، کارخانہ آناں بجلی ءِ سبسڈی ، ارزانیں کھدءِ ھاترءَ  ایچ دیئگ نہ بوتگ، پولیس میرٹءِ سرءَ کار بہ کنت گڈا اُلسءِ  جیڑ ھ ءُ جنجال گیش ءُ گیوار بنت، ملک ءَ  ہرچ  پڑءَ اوورسیز پاکستانی زرکاری کنگءَ اَنت۔ سنی اتحاد کونسل ءِ باسک رانا عاطف ءَ گشتگ کہ تحریک انصاف ءِ دورءَ برآمدات 33 ارب ڈالر، ترسیلات زر 31 ارب ڈالر ءَ سربوتگ اَنت ، پی ڈی ایم ءِ حکومت ءَ ایشانی تہاکمی اَتکگ۔