مزن وزیر   ءَ  آیوکیں  باھند آنی  روشنائیں آیوکیں باندات  ءُ پاکستن ءِ   بے  دروریں  گہبودی ریاست   جوڑ  کنگ ءِ جزم  ، ملک  معاشی  مشکل  آں چہ در کنگ  ءُ  دیمروئی ء کشک ءَ  رھادگ  کنت،  حکومتی   ھرچ ءُ درچ آنی تہ  ءَ کمک ءِ واستہ  بےمٹیں گامگیج   چست  کنگ ءَ آں،   شہباز  شریف  ءِ  راج ءَ گوں گشتانک

اسلام آباد۔15جون (اے پی پی): مزن وزیر  محمد  شہباز شریف   ءَ اولی   100  روچ آنی ساھت ءَ  وتی  حکومت ءِ  کامیاتی آنی  د ءَ  چمشانک  دیان ءَ  معاشی  برجائی ءُ السی گہبود   ءِ  وتی   پنچ سالی  ایجنڈا  آناں سہرا  کتگ ءُ پاکستان ءَ را    ٹوھیں  گہبودی  ریاست  ءِ جوڑ   کنگ ءِ مول ءُ مراد آناں در   جنگ ءِ   واستہ    ترندیں  پیسلہ  آنی  ٹک  ءُ   نشان ءَ  دیان ءَ  گوشتگ کہ السی   پیسہ  آنی سر ءَ  اچ  کس ءَ را عیاشی ءَ نئیلاں۔  راج   ءِ  یک  یک  کلدار  امانت  ات   ایشرا  راج ءِ دیمروئی ءِ ھاترا  ھرچ  کنگ بیت۔    سہریں پیت ءُ    کرپشن  ءَ را  ھلاس  کناں۔ حکومتی ھرچ ءُ  درچ آنی  تہءَ کمک  ءِ واستہ  جوانیں  گامگیج   چست   کناں۔    راج ءِ سر ءَ  بار  جوڑ  بوھوکیں    ادارگ آنی  ھلاسی ءُ پرائیویٹائزیشن  المی انت۔