اسلام آباد۔ 14 جون (اے پی پی) روشن ڈیجیٹل اکاؤنٹس نا کمک اٹ سمندر آن ایپار پاکستانی تا زرراہی تس 8 ارب ڈالر و زرکاری نا کچ 900 ملین ڈالر آن گدرینگا۔ اسٹیٹ بینک انا رداٹ ستمبر 2020 آن مئی 2024 نا ایسر اسکان سمندر پار پاکستانی تا کنڈآن روشن ڈیجیٹل اکاؤنٹس نا کمک اٹ زرراہی تس نا جم کچ 8.005 ارب ڈالر اسکان سرمس۔ مئی ٹی آرڈی اے نا کمک اٹ سمندر پارپاکستانیک 224 ملین ڈالر نا زرمبادلہ ملک آ مون تسر۔ اسٹیٹ بینک انا رداٹ مئی نا ایسر اسکان آرڈی اے نا کمک اٹ سمندر پار پاکستانی تا ملک اٹی زرکاری نا کچ 900 ملین ڈالر آن گدرینگانے۔ سمندر آن ایپار پاکستانیک پوسکن آ پاکستان روایتی سرٹیفکیٹ آتیٹی 338 ملین ڈالر، پوسکن آ پاکستان اسلامی سرٹیفکیٹ آتیٹی 582 ملین ڈالر، و پاکستان اسٹاک ایکسچینج اٹی 37 ملین ڈالر نا زرکاری کرینے۔
