کراچی۔ 14 جون (اے پی پی) گورنر سندھ کامران خان ٹیسوری تون پورٹ قاسم اتھارٹی نا چیئرمین ریئر ایڈمرل (ریٹائرڈ) سید حسن ناصر شاہ گورنر ہاؤس اٹی اوڑدہی کرے۔ جاری اعلامیہ نا رداٹ گورنر سندھ پارے کہ پورٹ قاسم قومی شونہالی کن گیٹ وے ءِ، دا پورٹ اٹی ودکی نا بھلو گنجائشت اس ساڑی ءِ۔ پورٹ قاسم اتھارٹی نا چیئرمین گورنر سندھ ءِ حوال ترسا پارے کہ داوخت آ 400 آن زیات صنعتی و واپاری یونٹ کاریم کننگ اٹی ءُ۔ اوکان پد آئی ٹی مارکی نا دورہ ٹی طالب علم آتیان تران کرسا چیئرمین ریئر ایڈمرل (ریٹائرڈ) سید حسن ناصر شاہ پارے کہ گورنر سندھ نا کارکڑد بے مٹ ءِ۔ پورٹ قاسم اتھارٹی نا چیئرمین اومیت نا گھنٹی ءِ خنسا خوشگوار حیرت نا درشانی ءِ کرے۔ گورنر سندھ اومیت نا گھنٹی نا گرج و مسخت آتے پارسا پارے کہ اومیت نا گھنٹی آ داہیت انا خیال ءِ تخنگک کہ ہرسوالی نا ویل دمدستی ایسر مننگ کے۔
