بیجنگ۔ 14 جون (اے پی پی) چین اٹی پاکستان نا سفیر خلیل ہاشمی پاکستان و چین نا نیام اٹ واپاری و زرکاری تعلقداری تے مون آ دننگ کن صوبہ ہینان نا شار پنگڈنگ شان نا دورہ ءِ کرے و میئر لی منگ جوون تون بھرمی ءُ اوڑدہی اس کرے۔ اوڑدہی ٹی تین پہ تینی افہام و تفہیم نا امور آ گپ وتران و پین گپ وتران آ امنا کننگا۔ پاکستانی سفیر پنگڈنگشن اٹی تنظیم و کاروباری ادارہ غاتون گپ وتران کرے و الیکٹرانکس ، نائلون و آٹوموٹیونا پنی آ کمپنی تا دورہ ءِ ہم کرے۔ پاکستانی سفیر پنگ ڈنگ شان پولی ٹیکنیک کالج و کول مائننگ اسکولن نا نیام اٹ ڈوئل ڈگری پروگرام نا نقاب کشائی نا دود آن تران کرے۔ اوپارے کہ گچین تکنیکی، کسبی تعلیم و تربیت پیدواری لائخی تیٹی ودکی نا کلیت ءِ۔ پاکستانی سفیر پنگ ڈنگ شان شار و کیبی کاؤنٹی تا عجائب گھر و تاریخی ہند آتا دورہ غا خوشی نا درشانی ءِ کرے۔ اوداڈیہہ انا شاندار دودوربیدہ ئی میرات نا ستاءِ کرے۔
