ہڑتوم آ کنڈآتا تعلقداری تے مون آ دننگ کن امریکی پاکستان اٹی زیات آن زیات زرکاری و واپار کیر، مسعود خان نا فلاڈیلفیاٹی جہانی امور نا کونسل اٹی تران

واشنگٹن۔ 14 جون (اے پی پی) امریکہ ٹی پاکستان نا سفیر مسعود خان ہڑتوم آ کنڈآتا تعلقداری تے پین سوگو کننگ نا کوشست آتا رداٹ پاکستان اٹی زیات آن زیات امریکی زرکاری و ہڑتوم آ ملک آتا نیام اٹ زیات واپار آ زورشاغانے۔ اوامریکی ریاست پنسیلوانیانا شار فلاڈیلفیاٹی جہانی امور نا کونسل آن تران کرسا امریکی کاروباری ادارہ غاتیا زور شاغا کہ او تینا زرکاری خاص وڑاٹ ٹیک سٹارٹ اپس، قابل تجدید توانائی، کشت وکشار و صنعت آتا پورٹ فولیوز اٹی ودکی کیر۔ پاکستانی سفیر اسکالر، پالیسی ساز، کانود ساز، صنعت کار، کاروباری راہشون و پروفیشنل آتا اجتماع ءِ پارے کہ پاکستان امریکی صنعت کار آتیکن اسہ بھلو مارکیٹ اسے۔ اگہ نم پوسکن آ گڑاتے تیار کیرہ تو پاکستان اٹی نما 240 ملین صارف ءُ۔ مسعود خان تینا ریمارکس اٹی پاک امریکہ تعلقداری، دہشت گردی نا برخلاف جنگ، پیش تمنگ آن  پد انا دور اٹی ہڑتوم آ کنڈآتا تعلقداری تا بحالی، پاک بھارت تعلقداری و علاقائی سوگوی نا امور آ ہیت کرسا ہڑتوم آ ملک آتا نیام اٹ ساڑی آ زرکاری وواپار نا وارخواہی تیا چکار کرے ہرا تعلقداری تے پوسکن ءُ جہت اس تس۔
SMH