لاہور۔ 14 جون (اے پی پی) وزیراعلیٰ پنجاب مریم نواز شریف تون جمعہ نادے آ چندی ضلع غاتیان تعلق تخوک آ صوبائی اسمبلی نا باسک آک اوڑدہی کریر۔ اوڑدہی کروک آتیٹی صوبائی اسمبلی نا باسک سعود مجید، ملک خالد محمود، عدنان افضل چٹھہ و خصوصی کمکار ذیشان ملک ئسک ہم ساڑی ئسر۔ داوخت آ اسمبلی نا باسک آک وزیراعلیٰ مریم نواز شریف ءِ 100 دے اٹی السی راجی آسودہی نا ڈٹ آتیا خراج تحسین پیش کریر و فیلڈ ہسپتال و کلینک آن ویلزپروجیکٹ نا ستاءِ کریر۔ وزیراعلیٰ مریم نواز شریف گپ وتران کرساپارے کہ فیلڈ ہسپتال و کلینک آن ویلز نا دنگ ءِ ودفنگ ءِ ، جان جوڑی نا بشخ انا امور نا دے و نن مانیٹرنگ کننگ اٹی اُٹ، مچ آ پنجاب نا بنداوی جان جوڑی ہند آتا اپ گریڈیشن پوروی نا آخیریکو ریسہ غاتیٹی ءِ۔ اسمبلی نا باسک آک پاریر کہ فیلڈ ہسپتال و کلینک آن ویلز پروجیکٹ آن الس ءِ درگہ غا ریلیف ملنگ ءِ، اسمبلی نا باسک آک وزیراعلیٰ مریم نواز شریف ءِ تینا حلقہ غاتا ویل و گرج آتیان ہم معلومدار کریر۔
