بنجائی وزیر مذہبی امور چوہدری سالک حسین نا ڈل اتون اوار سعودی ہم منصب ڈاکٹر توفیق بن فوزان الربیعہ  تون اوڑدہی، گچین حج بست وبند آتا ستاءِ کرے

مکہ مکرمہ۔ 14 جون (اے پی پی) بنجائی وزیر مذہبی امور چوہدری سالک حسین ڈل اتون اوار سعودی ہم منصب ڈاکٹر توفیق بن فوزان الربیعہ تون اوڑدہی کرےہرا سعودی وزارت حج و عمرہ نا منیٰ کیمپ آفس اٹی مس، پاکستانی ڈل اٹی سیکرٹری مذہبی امور ذوالفقار حیدر، حافظ طاہر اشرفی، ڈی جی حج عبدالوہاب سومرو و ڈائریکٹر مکہ مکرمہ فہیم خان آفریدی ئسک اوار ئسر۔ چوہدری سالک حسین پارے کہ پاکستانی حاجی تا آسراتی کن سعودی وزیرحج انا خصوصی چکار خوشی نا سوب ءِ، سعودی حکومت حج بست وبند آتیٹی ہرسال جدت و پوسکن آ آسراتی درستی راستی کرفنگ اٹی ءِ ، سرکاری و نجی حاجی تیکن سعودی مکتبہ غاتا کنڈآن گچین آسراتی تا خواہندار ءِ۔ سعودی وزیرحج و عمرہ ڈاکٹر توفیق الربیعہ پارے کہ منیٰ عرفات اٹی پاکستان حج مشن نا غٹ گرج آتا خیال ءِ تخنگک و اوفتے ہرممکن کمک فراوان کننگک، مشاعر مقدسہ ٹی گچین آسراتی تے پک کننگ کن نجی کمپنی تا است بڈی ءِ کننگ ءِ۔ سیکرٹری مذہبی امور ذوالفقار حیدر پارے کہ بروک آ سال سرکاری ونجی حج اسکیم کن ون ونڈو نا کمک اٹ رابطہ غاتے استوار کینہ ۔