صدر مملکت تون بنجائی وزیرداخلہ نا اوڑدہی، تین پہ تینی است خواہی نا امور، ملکی حالیت آتیاسرجمی اٹ گپ وتران

اسلام آباد۔ 14 جون (اے پی پی) صدر مملکت آصف علی زرداری تون بنجائی وزیر داخلہ محسن نقوی اوڑدہی کرے ہراٹی تین پہ تینی است خواہی نا امور و ملکی حالیت آتیا سرجمی اٹ گپ وتران کننگا۔ ترجمان وزارت داخلہ نا رداٹ بنجائی وزیر داخلہ محسن نقوی ایوان صدر اٹی صدر مملکت آصف علی زرداری تون اوڑدہی کرے۔ صدر مملکت آصف علی زرداری پارے کہ پاکستان ءِ مون آ دروئی ءِ و دا چرجوئی ٹی غٹ ءِ تینا کڑد ءِ ادا کروئی مریک، سیاسی جماعت آتے جمہوری و آئینی زمواری تے پورو کرسا وطن عزیز نا شونداری و شونہالی ءِ مقدم تخوئی ءِ، ذاتی اختلاف آتے پدپشت تخسا بیرہ پاکستان نا سجفوئی ءِ۔ وزیرداخلہ محسن نقوی پارےکہ سیوت و یکجہتی نا طاقت اٹ ہر چیلنج تون مون تننگ مریک۔