اسلام آباد۔ 14 جون (اے پی پی) وزیراعظم محمد شہباز شریف پارینے کہ ملکی زرگزران نا شونداری ٹی نجی بشخ انا کڑد اہم ءِ، حکومت پاکستان زرگزران نا بحالی کن نجی بشخ ءِ غٹ تر آسراتی تے فراوان کیک۔ وزیراعظم آفس نا میڈیا ونگ آن جاری بیان نارداٹ وزیراعظم تون مسکوہی گورنر اسٹیٹ بینک رضاباقر جہانی شہرت یافتہ کنسلٹنسی فرم انا ڈل اتون اوڑدہی کرے۔ ڈل انا کنڈآن پاکستان اٹ جہانی زرکاری ءِ پین ودفنگ نا بابت سلاہ پیش کننگا۔ وزیراعظم پارت کرے کہ پاکستان نا سنگت ملک آتون زرکاری نا معاہدہ غاتے جہانی شہرت یافتہ فرم آتا سلابت اٹ ایسر اسکان سرکننگے۔ داوخت آ وزیراعظم پارت کرے کہ حکومت نا کچ اٹی کمتی ونظام حکومت ءِ گچین کننگ کن ہم جہانی شہرت یافتہ فرم آتون سلابت کننگے، پاکستان نا غٹ بشخ خاص وڑاٹ معدنیات و توانائی ٹی زرکاری نا لامحدود کچ ساڑی ءِ۔ وزیراعظم پارے کہ ملکی زرگزران نا شونداری ٹی نجی بشخ انا کڑد اہم ءِ، حکومت پاکستان زرگزران نا بحالی کن نجی بشخ ءِ غٹ تر آسراتی فراوان کیک۔ اوڑدہی ٹی بنجائی وزیر ڈٹ بندی و شونداری احسن اقبال ، بنجائی وزیر اقتصادی امور احد خان چیمہ، بنجائی وزیر پیٹرولیم ڈاکٹر مصدق مسعود ملک، بنجائی وزیر خزانہ اورنگزیب خان ، بنجائی وزیر توانائی اویس احمد خان لغاری، وزیر مملکت خزانہ علی پرویز ملک، وزیرمملکت آئی ٹی شزہ فاطمہ خواجہ و تعلقدار ادارہ غاتا بڑزکو آفیسر آک ساڑی ئسر۔
