ریاض۔ 13جون (اے پی پی) سعودی ولی عہد و وزیراعظم شہزادہ محمد بن سلمان تون انڈونیشیا نا پوسکن گچین مروک آ صدر و وزیردفاع پرابووسوبیانتو جدہ ٹی اوڑدہی کرے و ہڑتوم آ ایلم ملک آتا نیام اٹ ہڑتوم آ کنڈآتا تعلقداری نا جاچ ءِ ہلنگا۔ اردونیوز نا رداٹ اوڑدہی ٹی چندی بشخ آتیٹی کمکاری نا پلو و شونداری نا وڑوڈول آتا جاچ ءِ ہلنگا۔ داکان بیدس ساڑی علاقائی و جہانی حالیت و دابابت کروک آ کوشست آتیا ہم گپ وتران کننگا۔ داوخت آ سعودی وزیردفاع شہزادہ خالد بن سلمان، وزیرخارجہ شہزادہ فیصل بن فرحان ئسک ہم ساڑی ئسر۔

متعلقہ مضامینمصنف کی طرف سے مزید