اسلام آباد۔ 13 جون (اے پی پی) چیئرمین ایف بی آر امجد زبیر ٹوانہ پارینے کہ اسہ ہم نان فائلر بندغ اسے نا موبائل سم ءِ بیدس نوٹس آن بلاک کننگتنے۔ پنچ شنبے نادے آ پوسٹ بجٹ پریس کانفرنس اٹی اسہ سوج اسے آ او پارے کہ نان فائلر آتے اول نوٹس تننگک اوکان پد اودے اسہ ریمائنڈر اس ہم جاری مریک اوکان پد سم بند مریک۔ اوپارے کہ 3 ہزار 800 روپئی نا خراج آتیان 1751 ارب روپئی پالیسی مداخلت آتیان دوئی مریک وخت اس کہ ایلو وتواجہ و جی ڈی پی گروتھ تون جنریٹ مریک، کورٹ کیس آتیان ہم شارٹ فال پورو مننگ نا اومیت ءِ۔ چیئرمین ایف بی آر پارے کہ پی او ایس انعامی اسکیم نا دُوارہ بناءِ کننگک۔
