اسلام آباد۔ 13 جون (اے پی پی) بنجائی وزیر خزانہ سینیٹر محمد اورنگزیب پارینے کہ ریٹیلر آتے خراج نا دنگ اٹ اتنگ المی ءِ تانکہ ایلو تپہ غاتیا خراج آتا بھاریم کم مرے۔ پنچ شنبے نادے آپوسٹ بجٹ پریس کانفرنس آن تران کرسا اوپارے کہ اپریل اٹی رضاکارانہ رجسٹریشن نا رداٹ بیرہ 75 پوریاگر آک رجسٹریشن کرفیسر، مئی ٹی ایف بی آر شش شار آتیٹی گام گیج نا بناءِ کرے ہراٹی داتم اسکان 31 ہزار ریٹیلر آتا رجسٹریشن مسنے، داعمل برجاسلک و یکم جولائی آن ریٹیلر آتیا خراج نا اطلاق مریک۔ وزیرخزانہ پارے کہ داوخت آ9 ٹریلین روپئی نا کرنسی نا گردش ءِ ، ڈیجیٹلائزیشن نا کمک اٹ باندات آک درست مننگ کیرہ ، ننا کوشست ءِ کہ کیش ٹرانزیکشن ءِ کم آن کم و چٹفنگے، پوائنٹ آف سیل رجسٹریشن نا چرجوئی نا دُوارہ بناءِ کننگک۔
