بنجائی وزیر مذہبی امور چوہدری سالک حسین نا کماشی ٹی ہوپ(حج گروپ آرگنائزرز آف پاکستان) تون سلابتی دیوان

مکہ مکرمہ۔ 13 جون (اے پی پی) بنجائی وزیر مذہبی امور چوہدری سالک حسین نا کماشی ٹی ہوپ (حج گروپ آرگنائزرز آف پاکستان) تون سلابتی دیوان اس مس ہراٹی سیکرٹری مذہبی امور ذوالفقار حیدر، ڈی جی حج عبدالوہاب سومرو، ڈائریکٹر مکہ فہیم خان آفریدی، جوائنٹ سیکرٹری حج سجاد حیدر یلدرم ئسک بشخ ہلکر۔ ترجمان نا رداٹ دیوان اٹی حافظ طاہر محمود اشرفی نا کماشی ٹی پاکستانی نجی حج کمپنی تا نمائندہ غاک ہم ساڑی ئسر۔ وزیر مذہبی امور پارت کرے کہ سرکاری و پرائیویٹ حاجی تا مشاعر اٹی آسراتی تے پک کننگے۔ جم وڑاٹ پرائیویٹ حج کمپنی تا کارکڑد گچین مسنے۔ نجی حاجی تتون دروکروک آ کمپنی تتون سختی اٹ مون تننگک۔ سیکرٹری مذہبی امور پارے کہ نجی حج ٹور آپریٹر ز طوافہ کمپنی تتون جوان معاہدات کیر۔ ہوپ نجی اسکیم نا حاجی تا حق انا رکھ اکن ایکشن کمیٹی اس جوڑ کے۔ حاجیک منیٰ عرفات اٹی غاوتا حالیت اٹ نسک ایپ اٹ ساڑی سعودی ادارہ غاتون رابطہ کیر۔ دیوان اٹی نجی حج اسکیم نا غاوتا ازالہ کن مربوط سسٹم اس جوڑ کننگ نافیصلہ کننگانے۔