بنجائی وزیر محسن نقوی نا اے این ایف نا شہید کارندہ و شاری نا نماز جنازہ ٹی بشخ ہلک

اسلام آباد۔ 13 جون (اے پی پی) بنجائی وزیر داخلہ و انسداد منشیات محسن نقوی ترکئی ٹول پلازہ غا منشیات فروش آتا سم کاری آن اے این ایف نا شہید کارندہ محمد گلزار، مظہر اقبال و شاری ذیشان نا نماز ءِ جنازہ ٹی شریک مس، شہید آتا خاہوت آتون اوڑدہی کرے۔ اوفتے دلاسہ تس، ہڑزخواہی و ہمدردی نا درشانی ءِ کرے۔ ترجمان وزارت داخلہ نا رداٹ بنجائی وزیر داخلہ محسن نقوی شہید آتا درجہ غاتا بڑزی کن دعاکرے و شہید آتے خراج عقیدت پیش کرے۔ وزیرداخلہ و انسداد منشیات محسن نقوی نا شہید آتا خاہوت آتیکن صبر وجمیل نا دعاکرے۔ وزیرداخلہ محسن نقوی نا پاننگ ئس کہ شہیدی نا بڑزکو رتبہ ءِ کٹوک آ کارندہ غاتے سلام پیش کینہ۔ اے این ایف نا کارندہ مظہر و گلزار جون تسر ولے فرض آآنچ بننگ کن الیتور۔ جی او سی جہلم، اے این ایف پنجاب نا ڈائریکٹر جنرل ، کمشنر راولپنڈی، ڈپٹی کمشنر جہلم، ڈی پی او جہلم، عسکری و سول آفیسر و اے این ایف نا کمامدارآتا نماز ءِ جنازہ ٹی بشخ ہلکر۔