اسلام آباد۔ 12 جون (اے پی پی) مالی سال 2024-25نا سرکاری بشخ انا سالانہ شونداری پوگرام (پی ایس ڈی پی) ٹی محصولات ڈویژن نا برجاو پوسکن آ ڈٹ آتیکن جم وڑاٹ 17696 ملین روپئی جتا کننگ نا سلاہ تننگا ہراٹی 13363.830 ملین روپئی نا درملکی کمک اوار ءِ۔ محصولات ڈویژن نا برجاڈٹ آتیکن 16770.215ملین روپئی و پوسکن آ ڈٹ آتیکن 925.785 ملین روپئی جتا کننگ نا سلاہ ءِ۔ بجٹ دستاویز آتا رداٹ مہالو آن برجا ڈٹ آتیان آرٹی او ساہیوال اٹی ودکی آفس نا تفنگ نا ڈٹ اسکن 222.483 ملین روپئی ، کسٹم کمپلیکس سوست اٹی چندی آسراتی فراوان کننگ نا ڈٹ اکن 182.696 ملین روپئی، گوادر اٹی ماڈل کسٹم کلیکٹوریٹ نا تفنگ کن 680.833 ملین روپئی، کراچی ٹی انٹیلی جنس اینڈ انویسٹی گیشن آفس نا تفنگ نا ڈٹ اکن 72.883 ملین روپئی جتا کننگ نا سلاہ کننگانے۔ بجٹ دستاویز آتا رداٹ محصولات ڈویژن نا پوسکن آ ڈٹ آتیان بلیلی کوئٹہ ٹی ماڈل کسٹم ہاؤس کلکٹوریٹ نا تفنگ نا ڈٹ اکن 239.646ملین روپئی و ریجنل خراج آفس سیالکوٹ کن ڈغار نا ہلنگ کن ڈٹ اکن 686.139 ملین روپئی جتا کننگ نا سلاہ ءِ۔
