وزیراعظم شہباز شریف نا کماشی ٹی بنجائی کابینہ نا خصوصی دیوان، فنانس بل 2024-25ءِ قومی اسمبلی ٹی پیش کننگ نا منظوری

اسلام آباد۔ 12 جون (اے پی پی) وزیراعظم محمد شہباز شریف نا کماشی ٹی چارشنبے نادے آبنجائی کابینہ نا خصوصی دیوان اس اڈ ہلک ہراٹی بنجائی کابینہ فنانس بل 2024-25قومی اسمبلی ٹی پیش کننگ نا منظوری ءِ تس۔ وزیراعظم آفس نا میڈیا ونگ انا کنڈآن جاری بیان نا رداٹ بنجائی کابینہ نا خصوصی دیوان اٹی مالی سال 2024-25نا بنجائی بجٹ نا بابت سلاہ پیش کننگا و دا سلاہ تیا شرہ کننگا اوکان پد بنجائی کابینہ فنانس بل 2024-25ءِ قومی اسمبلی ٹی پیش کننگ نا منظوری ءِ تس۔