عمان۔ 12 جون (اے پی پی) امریکہ فلسطین ءِ 40 کروڑ چار لکھ ڈالر امداد تننگ نا پڑو کرینے۔ العربیہ نا رداٹ اردن، مصر و اقوام متحدہ نا شریداری اٹ اردن اٹی غزہ ٹی امداد نا فراوانی گچین کننگ کن اسہ کانفرنس اس اڈہلنگ اٹی ءِ ہراٹی امریکہ 40 کروڑ چار لکھ ڈالر نا ودکی امداد نا پڑو کرینے۔ امریکہ نا پاننگ ءِ کہ او سنگین انسانی حالیت آتا ورندی ٹی غزہ و اونا خڑک انا علاقہ ٹی فلسطینی شاری تے ودکی انسانی امداد فراوان کننگ ءِ۔ وزیرخارجہ انٹونی بلنکن اردن نا مہمانداری ٹی انسانی امداد نا کانفرنس اٹی پارے کہ او فلسطینی تیکن ودکی 404 ملین ڈالر نا پوسکن آ امداد نا پڑو کننگ ءِ، ہرا 1.8 ارب ڈالر آن زیات نا شونداری، اقتصادی وانسانی امداد آن بیدس ءُ ہرا امریکہ 2021 آن فراوان کرینے۔
