اسلام آباد۔ 12 جون (اے پی پی) بنجائی وزیر داخلہ محسن نقوی اسلام آباد بیوٹیفکیشن اٹی تاخیرنانوٹس ءِ ہلسا ممبر ماحولیات سی ڈی اے ءِ عہدہ غان اینک کننگ نا پرمان کرینے، بنجائی وزیر پارت کرینے کہ ہندن ءُ آفیسر اس خلنگے ہرا اسلام آباد نا بیوٹیفکیشن پلان آعملدرآمد اٹ دے ونن ءِ اسٹ کے۔ ترجمان وزارت داخلہ نا رداٹ اسلام آباد نا بیوٹیفکیشن پلان اٹ تاخیر آ بنجائی وزیر داخلہ محسن نقوی سخت نوٹس ہلسا ممبر ماحولیات سی ڈی اے ءِ دمدستی وڑاٹ بدل کننگ نا پرمان کرینے۔ وزیرداخلہ نا پاننگ ءِ کہ کاریم اٹ تاخیر ءِ ہچ ءُ حالیت اسے ٹی سگپنہ، کاریم کپروک آ آفیسر آتا کنا ٹیم اٹی ہچ ءُ جاگہ اس اف۔ اوچیئرمین سی ڈی اے ءِ ممبر ماحولیات نا عہدہ غا خواری کش و باصلاحیت آفیسر تعینات کننگ نا پارت کرے۔
