راولپنڈی۔ 12 جون (اے پی پی) لکی مروت اٹی بارودی سرنگ دھماکہ ٹی شہید مروک آ پاک فوج انا 5 ورناتے اوفتا باوہ پیرہ ئی آ علاقہ غاتیٹی فوجی اعزاز اتون جہہ جاگہ کننگا۔ آئی ایس پی آر نا رداٹ 9 جون 2024 آ ضلع لکی مروت اٹی بارودی سرنگ نا دھماکہ ٹی شہید مروک آصوبیدار میجر محمد نذیر وئی 50 سال، ساکن ضلع سکردو، لانس نائیک محمد انور وئی 34 سال، ساکن ضلع گانچھے، لانس نائیک حسین علی وئی 36 سال، ساکن ضلع غذر، سپاہی اسداللہ وئی 33 سال، ساکن ملتان، سپاہی منظور حسین وئی 27 سال، ساکن ضلع گلگت، سپاہی راشد محمود وئی 31 سال، ساکن ضلع راولپنڈی نا پورو فوجی اعزاز اتون باوہ پیرہ ئی آ علاقہ غاتیٹی جہہ جاگہ ءِ کننگانے۔ نماز جنازہ ٹی حاضر سروس آفیسر وورنا، شہید آتا سیا ل وقریب وعلاقہ والاتا بھلو کچ اس بشخ ہلکر۔ آئی ایس پی آر نا پاننگ ءِ کہ پاکستان نا سیکورٹی فورس آک دہشت گردی نا لعنت ءِ چٹفنگ کن سنبرینگوک ءُ و ننا بہادر شہید آتا داقربانیک ننا عزم ءِ پین سوگوی ایترہ۔
