اسلام آباد۔ 12 جون (اے پی پی) ڈپٹی چیئرمین سینیٹ سیدال خان پارینے کہ بلوچستان حکومت ءِ ہروڑنا کمک فراوان کینہ، پاکستان نا شونداری بلوچستان نا شونداری تون گنڈوک ءِ، داخیال آتا درشانی ءِ او بلوچستان نا صوبائی وزیر میر عاصم کردگیلو تون گپ وتران کرسا کرے ہراچارشنبے نادے آ داڑے اوڑتون اوڑدہی کرے۔ اوڑدہی ٹی تین پہ تینی است خواہی نا امور آتون اوار بلوچستان نا جم حالیت آتیا سرجمی اٹ گپ وتران کننگا۔ اوڑدہی ٹی ڈپٹی چیئرمین سینیٹ پارے کہ بلوچستان حکومت ءِ ہروڑنا کمک فراوان کینہ۔ بنجاٹی بلوچستان نا الس نا توار مرینہ۔ بلوچستان حکومت الس دوست پالیسی تے تینا کے۔ بلوچستان نا الس نا است خواہی تا ترجمانی ءِ کینہ۔ سیدال خان پارےکہ پاکستان نا شونداری بلوچستان نا شونداری تون گنڈوک ءِ۔ بلوچستان اٹ ساڑی قدرتی وسیلہ غاتیان پبی فائدہ ہرفنگ نا گرج ءِ۔ گوادر پورٹ آن کاروباری سرجزآک ودرہ۔ بلوچستان نا ورناتے بڑزکو تعلیم نا وارخواہی فراوان کروئی مریک۔ داوخت آ صوبائی وزیر کمکاری نا باوری کرفنگ آ ڈپٹی چیئرمین سینیٹ نا منت واری ءِ ہرفے۔
