اسلام آباد۔12جون (اے پی پی):آیوکیں مالی سال 25-2024 ءَ سرکاری پڑءِ دیمروئی پروگرام ( پی ایس ڈی پی) ءِ ردءَ کانودءُ انصاف وزارت ءِ تہا پلاننگ ءُ مانیٹرنگ یونٹ ءِ اپ گریڈیشن ءِ ھاترءَ 16 ملین کلدارءِ فنڈ ایر کنگ بوتگ اَنت۔ پی ایس ڈی پی ءِ ردءَ اے منصوبہ ءِ سرءَ 118.991 ملین کلدارءِ حرچ گیشینگ بوتگ وہدے کہ 30 جون 2024 ءَ تاں 82.138 ملین فنڈ دیئگ بیت۔ آیوکیں مالی سال ءِ تہا منصوبہ ءِ سرجم کنگءِ ھاترءَ سرکاری پڑءِ دیمروئی پروگرام ءِ ردءَ 16 ملین کلدارءِ فنڈ ایر کنگ بوتگ۔
