اسلام آباد۔12جون (اے پی پی): بنجاہی حکومت ءَ سرکاری پڑء ِ دیمروئی پروگرام(پی ایس ڈی پی) ءِ ردءَ آیوکیں مالی سال 25۔2024 ء ءِ تہا نیشنل فوڈ سکیورٹی اینڈ ریسرچ ڈویژن ءَ چہ پیسرءَ شنگ بوتگیں 18 منصوبہ آنی ھاترءَ 6706.066 ملین کلدار وہدے کہ 6 نوکیں منصوبہ آنی ھاترءَ 18293.934 ملین کلدار ایر کنگ بوتگ اَنت۔ چارشمبے ءِ روچءَ جاڑی پی ایس ڈی پی ءِردءَ راجی وردن ءُ وراکی رکینگءُ پٹءُ پولءِ ردءَ 18 جاڑی منصوبہ آنی ھاترءَ 6706.066 ملین کلدار ایر کنگ بوتگ اَنت۔ جاڑی کچءُ کساسءِ ردءَ راجی وردنءُ وراکءِ رکینگءُ پٹءُ پول ڈویژن ءِ جاری منصوبہ آلوءِ ٹشوکلچر ٹیکنالوجی ءِ گیش کنگءِ ھاترءَ 83.55 ملین ، کنزیومر سورسنگ سیڈ اتھارٹیءِ جوڑ کنگءُ ایشی ءِ ہمگرنچیں لیب آنی گیش گہتریءِ ھاترءَ 210 ملین کلدار، پلانٹ بریڈر رائٹس رجسٹری ءِ جوڑ کنگءُ بی یو ایس ءِ نظام ءَ را گیش کارگشاد کنگءِ منصوبہ ءِ ھاترءَ 60 ملین کلدار، خضدارءُ تربتءَ سیڈ سرٹیفکیشن لیبارٹری جوڑ کنگءِ ھاترءَ 276.950 ملین کلدار، وردنی تومانی پیداوارءِ تہا گیشی ءِ پروگرام ءِ ھاترءَ 800 ملین کلدار، پس ءُ دلوتانی دپ ءُ ایندگہ نادراہی آنی گرء ُدارءِ منصوبہ ءِ ھاترءَ 240 ملین ، ھوری دمگاں زرعی پڑءِ دیمروئی ءُ گہتریءِ ھاترءَ منصوبہ ءِ ھاترءَ 1600 ملین کلدار، شرمپ فارمنگ ڈویلپمنٹ پراجیکٹ ءِ ھاترءَ 491.870 ملین کلدار، دھان ءِ پیداوار ءَ گیشی ءِ منصوبہ ءِ ھاترءَ 60ملین کلدار، شکرکانڈیل ءِ پیداوارءِ تہا گیشی ءِ منصوبہ ءِ ھاترءَ 60 ملین کلدار، گندمءِ پیداوارءِ تہا گیشی ءِ منصوبہ ءِ ھاترءَ 140 ملین کلدار، ڈال ءِ پیداوار ءِ تہا گیشی ءِ منصوبہ ءِ ھاترءَ 300 ملین کلدار ایر کنگ بوتگ۔ پاکستان ءَ زیتون ءِ کمرشل بنیاتاں رونءُ موش ءُ پیداوارءِ تہا گیشی ءِ منصوبہ ءِ ھاترءَ 1000 ملین کلدار، شمالی علاقہ جات ٹراؤٹ ماہیگ ءِ پیداوار ءَ را گیش کنگءِ منصوبہ ءِ ھاترءَ 200.700ملین کلدار، پاک۔چین ایگریکلچر بریڈنگ انوویشن پراجیکٹ ءِ ھاترءَ 115.331 ملین کلدار، خیبر پختونخوا ءِ ھوری دمگاں آپ ءِ جم کنگءِ ھاترءَ جاگہ جوڑ کنگءِ ھاترءَ 600 ملین کلدار، گلگت بلتستان ءَ مائونٹین ایگریکلچرل ریسرچ سنٹرءِ منصوبہ ءِ ھاترءَ 199.865 ملین کلدار، آلو ءِ پیداوار ءِ تہا گیشی کنگءِ ھاترءَ پکہ ایں توم ءِ پاک۔ کوریا جوائنٹ پروگرام منصوبہ ءِ ھاترءَ 267.800 ملین ایر کنگ بوتگ اَنت۔ جاڑ ی کچءُ کساس ءِ ردءَ نیشنل فوڈ سکیورٹی اینڈ ریسرچ ڈویژن ءِ نوکیں منصوبہ نیشنل ریفارمز پروگرام ءِ ردءَ کسبی گشاد کاری گیش کنگءِ منصوبہ ءِ ھاترءَ 700 ملین کلدار، ٹیوب ویل آناں سولر سسٹم ءِ سرءَ کنگءِ ھاترءَ مزن وزیرءِ راجی پروگرام ءِ منصوبہ ءِ ھاترءَ 15000 ملین کلدار، نیشنل فوڈ سکیورٹی اینڈ ریسرچ ءِ پراجیکٹ پلاننگ اینڈ ڈویلپمنٹ یونٹ ءِ منصوبہ ءِ ھاترءَ 42 ملین کلدار، ہارٹیکلچر سپورٹ پروگرام (ایچ ایس پی)ءِ ھاترءَ 200 ملین کلدار ایر کنگ بوتگ اَنت۔ نیشنل فوڈ سکیورٹی اینڈ ریسرچ ءِ جاری ءُ نوکیں منصوبہ آنی ھاترءَ آیوکیں مالی سال 25۔2024ءَ 25 ہزار ملین کلدار ایر کنگ بوتگ اَنت۔
