اسلام آباد۔12جون (اے پی پی): بنجاھی حکومت ءَ ھاٹیگ ءِ شوبگ ءَ را گہتر جوڑ کنگ ءِ واستہ اول سرئی بنیات ءَ گامگیج چست کتگ۔ استیں مالی سال ءِ ساھت ءَ توان دزئی ءِ ھلاپ ءَ گامگیج آنی تہ ءَ 50 ارب کلدار ءِ بچت بوتگ۔ چار شمبے ءَ بنجاھی وزیر ھزانگ ءَ راجی اسمبلی ءَ آیوکیں مالی سال 2024-25 ءِ بجٹ گشتانک ءَ گوشتگ کہ حکومت ءَ ھاٹیگ ءِ شوبگ ءَ گردشی وام آناں کم کنگ ءِ واستہ ترجی داتگیں بنیات ءَ گامگیج چست کتگ۔ اے گامگیج آنی نتیجگ ءَ گوزوکیں مالی سال ءِ گڈ ءَ تاں اچ وڑ ءَ گردشی وام آنی تہ ءَ گیشی نہ بیت۔ آئیءَ گوشتگ کہ توان ءِ دزئی ءِ حلاپ ءَ گامگیج آنی اندر ءَ حکومت ءَ را 50 ارب کلدار ءِ بچت بوتگ۔ آیوکیں مالی سال ءِ وااستہ ایشی ءِ اندر ءَ گیشی کئیت ءُ ایشی ءَ ابید لستیں گہتری کار رد ءُ بند کتگ بوتگ انت ایشانی تہءَ تاوان آناں کم کنگ ءِ واستہ ٹرانسمیشن اینڈ ڈسٹری بیوشن ءَ گہتری، نیشنل ٹرانسمیشن ءُ ڈسپیج کمپنی این ٹی ڈی سی ءِ نوک سر گل جوڑ کنگ، 9 ڈسکوز ءُ جنکوز ءِ پرائیویٹائزیشن ءِ منصوبگ ، توان ءِ دزئی ءِ ھلاپ ءَ گامگیج ، توان ءِ پیداوار ءَ را گہتر جوڑ کنگ ءِ واستہ درآمدی فیول جی ءِ مٹ ءَ لائکیں ھاٹیگ، ونڈ، سولر ءُ پائیڈل پاور جنریشن ءِ نیمگ ءَ ٹرانسفر کنگ اولی ترجی انت۔
