بنجاھی  بجٹ  ءَ اھوالکار  ءُ  میڈیا  ورکرز  آنی واستہ  ہیلتھ  انشورنس   ءِ جار،  بنجاھی وزیر اھوالکاری   عطا   ء اللہ  تارڑ  ءِ    اھوالکار   آناں  مبارک بات

اسلام آباد۔12جون  (اے پی پی): بنجای وزیر اھوالکاری  ، شنگ کاری،  راجی  مڈی  ءُ  دود  ءُ ربیدگ   عطاء اللہ  تارڈ  ءَ بنجاھی  بجٹ   2024-25  ءَ اھوالکار  ءُ میڈیا  ورکرز   آنی واستہ  ہیلتھ  انشورنس  سکیم  ءِ  برجائی ءِ جار   ءِ پد ءَ  اھوالکاریں برات  آناں   مبارک بات  دیان ءَ گوشتگ کہ اھوالکار   ءُ میڈیا  ورکرز  آناں ہیلتھ انشورنس  ءِ بنجاھی  حکومت  ءِ اولی  ترجی انت۔  اھوالکار  مئے  چاگرد  ءِ  ارزشتی ایں بھر انت۔  جمہوریت  ءِ  مھکمی   ءَ  آوانی  کرد  ءَ چہ  بکگ  جنگ بوت نہ  کنت۔   چار شمبے ءَ وتی  بیان ءَ بنجاھی وزیر اھوالکار  ءَ گوشتگ کہ اھوالکار  آناں  ہیلتھ انشورنس   ءِ پجاری تاریخی  گامگیج ات  ایش مئے  ملک  ءِ   اھوالکار  ءُ  میڈیا  ورکرز   آنی جان سلامتی  ءُ گہبود   ءَ را  دل  یکیمی جوڑ  کنگ ءَ کمک  پجاری  کن انت۔  آئی ءَ گوشتگ کہ  سیکم  ءِ چیر دستی  ءَ   اولی فیز  ءَ پنچ   ہزار اھوالکار   ءُ  میڈیا  ورکرز   وھدیکہ  دومی فیز ءَ   گیش  10 ہزار    اھوالکار   ءُ  میڈیا ورکرز  آناں ہیلتھ   انشورنس کارڈ  ءِ پجاری  کنگ بیت۔  آئیءَ گوشت  کہ  مزن  وزیر   شہباز شریف     ءِ ھم  شگر ءُ منت وار  آں  آئی  ءَ  دومی رند ءَ  مزن وزیری  ءِ سیٹ  ءِ  گرگ ءَ  گپد  اھوالکار  آنی واستہ  ہیلتھ  انشورنس   سکیم  ءِ دوارگ  بنگیج  کتگ۔