اسلام آباد۔12جون (اے پی پی):امریکی ادارہ برائے دیمروئی (یو ایس اے آئی ڈی) ءُ ایچ ای سی ءِ کمک ءَ چہ برجمیں سئے روچی “پاکستان ءَ ٹوھیں وانگ ءُ زانگ ءِ ھیل کاری آیوکیں باندات ءَ میاں اوستمانی سروک دیوان” چار شمبے ءَ اسلام آباد ءَ گڈ کنگ بوت۔ اے سروک دیوان پاکستان ءَ مزن وانگ ءُ زانگ ءِ کوالٹی ءَ را گہتر جوڑ کنگ ءِ واستہ یک ارزشتی ایں گام ءِ بوتگ۔ دیونا ءَ 180 ءَ چہ گیش پاکستانی ءُ امریکی ل یونیورسٹی آنی سروک ءُ رھشون بھر زوری کن انت۔ دیوان ءِ مول ءُمراد زانشتی ادارگ آنی نیام ءَ گہتریں رابطہ آنی وسیلگ ءَ مزن وانگ ءُزانگ ءِ کد ءُ بالاد ءَ را گہتر جوڑ کنگ ءُ نودربر آناں مزوری ءِ موہ پجاری کنگ انت۔ سروک دیوان ءَ ھما بن گپ آنی سر ءَ ھیال ریچی کنگ بوتگ ایشانی تہ ءَ ٹوھیں وانگ ءُ زانگ ءِ شوبگ ءَ انٹر پرینیورشپ ءَ را دیمروئی دیگ ، موسمی مٹ ءُ بدلی ءُ مالیاتی جیڈھ آں گوں گر ءُ چیل بوھگ ، مارکیٹ آنی ھوالگ ءَ پٹ ءُ پول ءِ موہ پجاری کنگ ھوار انت۔
