اسلام آباد۔12جون (اے پی پی): بنجاہی وزیر سائنس و ٹیکنالوجی ڈاکٹر خالد مقبول صدیقی ءَ چہ ہواوے پاکستان ءِ وائس سی ای او رے یو ءَ چارشمبے ءِ روچءَ گندءُ نندکتگ۔ سائنس و ٹیکنالوجی ءِ وزارت ءِ نیمگءَ چہ بیان ءِ ردءَ گندءُ نندءَ مزن وزیرءِ چینءِ ترءُتاب ءَ بوتگیں منءُ گر آنی ردءَ ھیالءُ لیکہءِ درشانی کنگ بوتگ۔ اے موہءَ گپءُ تران کتگءُ سائنس و ٹیکنالوجی ءِ بنجاہی وزیر ءَ گشتگ کہ پاکستان ءِ ورناہ آئی ٹی سیکٹر ءِ دیمروئی ءَ سرجمیں کرد پیلو کت کناں۔ آئیءَ گشتگ کہ ہمک سال 25 ہزار ورناہ آئی ٹی ءَ گریجویشن حاصل کناں بلے تنا 5 ہزار آئی ٹی گریجویٹس ءَ را نوکری رسیت۔ ڈاکٹر خالد مقبول صدیقی ءَ گشتگ کہ مارا اے کنڈءَ را پُر کنگءِ ھاترءَ ورناہ آناں جدید ٹیکنالوجی ءِ تہا ٹریننگ دئیگ لوٹ ایت۔ بنجاہی وزیرءَ گشتگ کہ پاکستان ءُ چین ءِ نیامءَ نجی پڑءَ کمک ءِ بازیں موہ اَست کہ آیاں چہ پائدگ چست کنگءِ ضلورت اِنت تنکہ دوئیں ملک آنی نیامءَ شریداری ءَ را گیش کنگ بہ بیت۔
