اسلام آباد ، سینیٹءِ ڈپٹی چیئرمین ءَ گوں کانودءِ بنجاہی وزیرءِ گندءُ نند، بازیں مزن گسی کارانی سرءَ ھیالءُ لیکہ ءِ درشانی کتگ

اسلام آباد۔12جون  (اے پی پی):ڈپٹی چیئرمین سینیٹ سیدال خانءَ  کانودءِ بنجاہی وزیر سینیٹر اعظم  نزیر تارڑ ءَ مزن گسءَ گندءُ نندکتگ۔ سینیٹ سیکرٹریٹ ءَ چہ شنگ بوتگیں بیان ءِ ردءَ گندءُ نندءِ تہا سیاسی جاورھال ، سینیٹءَ جوڑ کتگیں کمیٹیءُ بجٹ ءِ ہوالگءَ ھیالءُ لیکہءِ درشانی کنگ بوتگ۔ سینیٹءِ ڈپٹی چیئرمین ءَ گشتگ کہ کمیٹی  آنی  درائیں جیڑہءُ گیشءُ گیوار کنگ بنت، ایوان ءَ درائیں گلانی تپاکی ءَ گوں کار بیت۔ آئیءَ گشتگ کہ اعظم نزیر تارڑ یک زانت کاریں سیاست دانے، آئیءِ کانودی  سرءُ سوج باز ارزشت داریت۔ کانودءِ وزیرءَ سینیٹءِ ڈپٹی اسپیکرءِ شکرءُ منت گپتگ۔