مزن وزیر محمد شہباز شریف ءِ پبلک پرائیویٹ پارٹنر شب ءَ چہ اسلام آباد ءَ میاں اوستمانی  ترز ءِ ہیلتھ ٹاور  جوڑ کنگءِجار

اسلام آباد۔12جون  (اے پی پی): مزن وزیر محمد شہباز شریف ءَ پبلک پرائیویٹ پارٹنرشپءَ چہ اسلام آباد ءَ میاں اوستمانی ترز ءِ قائد اعظم ہیلتھ ٹاور جوڑ کنگءِ  جار جتگء ُ  راجی جانءُ سلامتی  وزارتءِ  چیردستیں لیبارٹریز ءِ  معیار ءُ کارءُ کرد، ڈرگ ریگولیٹری اتھارٹی آف پاکستان ءُ اسلام آبادءِ نادراہ آنی ھاترءَ نوکیں طبی آلات ءُ ایمبولینس بہا  گرگ ءِ تھرڈ پارٹی آڈٹ کنگءِ پنتءُ  شون کتگ۔ چارشمبےءِ روچءَ مزن وزیر کارگس ءِ میڈیا ونگ ءَ چہ  شنگ بوتگیں بیان ءِ ردءَ مزن وزیر محمد شہباز شریف ءِ سروکی ءَ  راجی  جانءُ سلامتی ءِ  وزارت ءِ   ردءَ حاسیں  چارءُ تپاسی دیوان چارشمبےءِ روچءَ مز ن وزیر گس اسلام آباد ءَ بوتگ۔   مزن وزیرءَ  ماں ملک ءَ پولیو ءِ نوکیں کیس آنی سرءَ تکانسری ءِ  درشانی کتگءُ گشتگ  کہ  پولیو ءِ ھلاس کنگءِ ھاترءَ سرجمیں کاروائی کناں ۔  مزن وزیر ءَ ڈرگ ریگولیٹری اتھارٹی آف پاکستان ءِ  تھرڈپارٹی آڈٹ کنائینگ ءُ  ڈرگ پرائیسنگ ءَ را ڈریپ ءَچہ جتاہ  کنگءِ حوالگءَ رھبند جوڑ کنگءِ پنت ءُ شون کتگ۔  مزن وزیر ءَ اسلام آباد ءِ نادراہ جا ہ آنی  گند پراسیس کنوکیں پلانٹ آنی  کارءَ را گشاد کنگءُ اے پلانٹ آناں  آؤٹ سورس کنگءِ پنتءُ شون کتگ۔ دیوان ءَ را راجی جانءُ سلامتی وزارت ءِ کردءِ ہوالگ ءَ شونست دیئگ بوتگ۔