ماسکو۔ 11 جون (اے پی پی) سعودی وزیرخارجہ شہزادہ فیصل بن فرحان روسی ہم منصب سرگئی لاروف تون اوڑدہی کرینے۔ دااوڑدہی روس انا شار نزنی نوگوروڈ اٹی برکس دیوان نا وخت آ کننگا۔ اوڑدہی ٹی سعودی عرب و روس انا نیام اٹ ہڑتوم آ کنڈآتا تعلقداری ، اسیجائی کمکاری و چندی بشخ آتیٹی اوفتے ودفنگ نا وڑوڈول آتا جاچ ءِ ہلنگا۔ داکان بیدس علاقائی و جہانی حالیت و دا بابت کروک آ کوشست آتیا ہم گپ وتران کننگا۔ داوخت آ روس اٹی سعودی سفیر عبدالرحمان الاحمد و وزارت خارجہ نا دفترنا ڈائریکٹر جنرل عبدالرحمان الداؤد ئسک ہم ساڑی ئسر۔ یات سلے سعودی وزیرخارجہ شہزادہ فیصل بن فرحان دوشنبے نادے آبرکس نا وزارتی دیوان اٹی بشخ ہلنگ کن روس انا شار نزنی نو گوروڈ آ سرمسنے۔ سعودی وزیرخارجہ دیوان اٹی ہڑتوم آ کنڈآتا اوڑدہی تیٹی برکس ملک آتا وزیر آتون اسیجائی است خواہی نا امور و اولیت، جہانی منظرنامہ  ناحالیت و دنیا ءِ مون تروک چیلنج آتیا گپ وتران کیک۔

متعلقہ مضامینمصنف کی طرف سے مزید