مکہ مکرمہ۔ 11 جون (اے پی پی) بنجائی وزیر مذہبی امور چوہدری سالک حسین پارینے کہ حاجی تے ہرممکن آسراتی تا فراوانی ءِ پک کننگک۔ سے شنبے نادے آ بنجائی وزیر مذہبی امور و بین المذاہب ہم آہنگی چوہدری سالک حسین و سیکرٹری مذہبی امور ذوالفقار حیدر مکہ مکرمہ ٹی پاکستان حج مشن اٹی جوڑ چندی بشخ آتا دورہ ءِ کرے۔ داوخت آ ڈی جی حج عبدالوہاب سومرو وزیر مذہبی امور و سیکرٹری مذہبی امور ءِ پاکستان حج مشن اٹ جوڑ گمشدگی و بازیابی ، کمپلینٹ سیل، خور و ہنکین و ٹرانسپورٹ تون اوار حاجی تا خذمت کن جوڑ کروک آ ایلو بشخ آتا دورہ ءِ کرے۔ داوخت آ ڈی جی حج مکہ چندی بشخ آتا کارکڑد و داتم اسکان کروک آ گام گیج آتا بابت حوال تس۔ بنجائی وزیر دا وخت آپارت کرے کہ حاجی تا خذمت ءِ ہرحال اٹ کننگے انتئے کہ حاجی اللہ تعالیٰ نا مہمان ءِ و اسہ بھاز مقدس ءُ فرض اسے نا اداکننگ کن حج مبارک آ بسنو۔ ہنداسوب آن اوفتا خذمت ننا قومی و مذہبی فرض ءِ۔ وزیر مذہبی امور پاکستانی حاجی تیکن کروک آ گام گیج آتیا است جمی نا درشانی ءِ کرے۔
