اسلام آباد۔ 11جون (اے پی پی) پی آئی اے نا حج آن مست آپریشن نا اولیکو ریسہ سرسہبی اٹ ایسر مس۔ ترجمان پی آئی اے نا کنڈآن جاری بیان نا رداٹ تدوک آ نن کراچی آن جدہ آپریٹ مروک آ پی آئی اے نا آخیریکو جہاز اتون ہی حج آن مست آپریشن پورو مس، درو 171 جہاز آتا کمک اٹ 35030حاجی حج مقدس آ روانہ مسر۔ پی آئی اے نا حج آن مست آپریشن نا بنا9 مئی آ مس ہرا 11 جون اسکان برجاسلیس، حج آن مست جہاز کراچی، اسلام آباد، لاہور، ملتان ، سیالکوٹ وپشاور آن براہ راست روانہ مس۔ ترجمان نا پاننگ ءِ کہ حج آن مست آپریشن اٹی 45 جہاز موسم نا خرابی و آپریشنل سوب آتا بناآ تاخیر نا گواچی مسر۔ ترجمان نا رداٹ پی آئی اے نا حج آن پد آپریشن نا بناء 20 جون آن مریک ہرا 21 جولائی اسکان برجاسلک۔
