اسلام آباد۔ 11 جون (اے پی پی) وزیراعظم محمد شہباز شریف تینا دورہ ءِ چین ءِ بھاز سرسہب گوندساپارینے کہ سی پیک نا ارٹ میکو ریسہ غا ترندی اٹ عملدرآمد مریک، آخبت خڑک اٹ دانا بھرمک الس اسکان سرمریرہ۔ داخیال آتا درشانی ءِ او سے شنبے نادے آ بنجائی کابینہ نا دیوان اٹی گپ وتران کرساکرے۔ وزیراعظم پارے کہ کابینہ ناباسک آتے دیوان اٹ بخیراٹ پاوہ۔ چین نا دورہ غان 2 دے مست پدی بسونٹ۔ نما غٹ انا کوشست و خواری آن دورہ ءِ چین بھاز مثبت و سرسہب مس۔ اوپارے کہ دورہ ءِ چین اٹی مروک آ اوڑدہی تیٹی سیکورٹی نا بابت امور ایجنڈاٹی سرفہرست ئس۔ اوپارےکہ دادورہ ٹی چین نا بڑزکو کہولی ڈل زوت پاکستان نا دورہ ءِ کیک۔ بنجائی وزیر ، وزیر مملکت آتون اوار غٹ کابینہ نا باسک آتا اجتماعی کوشست آتے اٹ دا سرسہبی ممکن مس۔ اوپارے کہ اللہ تعالیٰ چین اتون ہڑتوم آکنڈآتا تعلقداری تے پوسکن آ بڑزی تیا دننگ نا موقع اس فراوان کرے۔ سی پیک نا ارٹ میکو ریسہ غا ترندی اٹ عملدرآمد مریک۔ دابابت چیی سرکڑدہ غاتون مثبت گپ وتران مس۔ آخبت خڑک اٹ دانابھرمک الس اسکان سرمریرہ۔