پاکستان و امریکہ تین پہ تینی تعلقداری تے مون آ دننگ کن کاریم کننگ اٹی  ءُ، پاکستانی سفیر مسعود خان نا انٹرویو

واشنگٹن۔ 23 مئی (اے پی پی) امریکہ ٹی پاکستان نا سفیر مسعود خان پارینے کہ پاکستان و امریکہ مذاکراتی عمل نا کمک اٹ اسیجائی مسخت آتے مون آ دننگ اٹ لگوک ءُ، و ہندن ءُ ایجنڈاسے آ کاریم کننگ ءُ ہرا ہڑتوم آ ملک آتیکن تین پہ تینی وڑاٹ فائدہ ئی مرے۔ اوچائنا گلوبل ٹیلی ویژن نیٹ ورک۔ امریکہ نا’’داہیٹ‘‘ پنی ءُ پوسکن ءُ شواسے انٹرویوٹی پارے کہ نن پت اتون آخبت نا کنڈآ ہُننگ اُن۔ اوپارے کہ ہڑتوم آملک آک ’’پرسپشن مینجمنٹ‘‘ آ کاریم کرینو ہرا دہشت گردی نا برخلاف جنگ آن پد اہم ءِ و ڈیہہ انا جیو سٹریٹجک پیچیدگی تا رداٹ سوگو تعلقداری جوڑ کننگ کن دوئی وارخواہی تے کاریم اٹ ایس۔ کنے لگک کہ نن بھلو حداسسکان سرسہب مسونن و دا موقع ءِ مون آ دینہ۔ پاک چین تعلقداری آ تران کرسا اوپارے کہ پاک چین تعلقداری بھرمی ءِ، اومستی پارے کہ چین اتون ننا تعلقداری امریکہ تون ننا سنگتی نا نہاد آاف۔ پاکستانی سفیر چین پاکستان اقتصادی راہداری (سی پیک) ڈٹ ءِ ’’بھاز اہم ‘‘ گوندسا پارے کہ بنائی ڈٹ آتے پورو کننگ آن پد ہڑتوم آملک آک محسوس کریر کہ میگاپروجیکٹ اٹی سیل و سوات، ٹیکنالوجی، کشت وکشار، کسبی تربیت اٹی زرکاری تون اوار اسہ جوان ءُ بایدے پروگرام اس مرے۔ اوپارے کہ داتم اسکان نن کم و ود 25 بلین ڈالر نا زر ڈٹ آتیکن تسونن و 2030 اسکان نن ایلو ڈٹ آتے پورو کننگ نا قابل مرینہ۔