بشکیک۔22مئی (اے پی پی):نائب مزن وزیر ءُ وزیر ءِ درئی کار سینیٹر محمد اسحاق ڈار ءَ کرغز جمہوریہ ءِ وزیر ءِ درئی کار کلوبایف ژین بیک مولد وکانووچ ءَ سرجمیں گند ءُ نند ءِ کت۔ گند ءُ نند ءَ دوئیں نیمگ ءَ پاکستان ءُ جموریہ کرغزستان ءِ نیام ءَ کوھنیں دوستی ءُ سیادی ءُ دوئیں ملک آنی نیام ءَ الس ءِ نیما ءَ رابطہ آناں مھکم جوڑ کنگ ءِ جزم …
نائب مزن وزیر ءُ وزیر ءِ درئی کار سینیٹر محمد اسحاق ڈار ءِ کرغز جمہوریہ ءِ وزیر ءِ درئی کار کلو بایف ژین، بیک مولد وکانووچ ءَ گوں گند ءُ نند
گیشتریں ھال
بشکیک۔22مئی (اے پی پی):نائب مزن وزیر ءُ وزیر ءِ درئی کار سینیٹر محمد اسحاق ڈار ءَ کرغز جمہوریہ ءِ وزیر ءِ درئی کار کلوبایف ژین بیک مولد وکانووچ ءَ سرجمیں گند ءُ نند ءِ کت۔ گند ءُ نند ءَ دوئیں نیمگ ءَ پاکستان ءُ جموریہ کرغزستان ءِ نیام ءَ کوھنیں دوستی ءُ سیادی ءُ دوئیں ملک آنی نیام ءَ الس ءِ نیما ءَ رابطہ آناں مھکم جوڑ کنگ ءِ جزم کت۔ درئی کارانی کارگس ءِ نائن مزن وزیر ءَ کرغزستان ءَ پاکستانی آں ھوار در ملکی آنی ھلاپ ءَ جنگ ءُ چوپ ءِ انوگیں استیں نہ وشیں واکیہ آنی ھوالگ ءَ ھیال ریچی کت۔ آئی ءَ کرغز حکومت ءِ نیمگ ءَ نہ وشیں جاور آنی ساپ ءُ الکاپ بوھگ ءُ پاکستانی نودربر آنی گہبودءَ را دل یکیمی جوڑ کنگ ءِ واستہ زوتاں زوت گمگیج ءِ پدءَ شگر ءُ منت واری گپت۔ نائب مزن وزیر ءَ امیت سہرا کت کہ پاکستانی آنی ھلاپءَ نا وشیں کاروائی آنی زمہ وار آناں گرگ ءُ پنجگ کنگ بہ بیت۔ کرغز وزیرءِ درئی کار ایمنی ءِ جاور ھال آنی برجائی ءِ واستہ کرغزکارندہ آنی نیمگ ءَ چست کتگیں گامگیج آنی ساڑا کت ، ءُ ناشریں مردم آنی گرگ ءُ پنجگ کنگ، کیس چلاینگ ءُ سزا دیگ ءِ پکوئیں جزم ءِ درشان کت ۔ نائب مزن وزیر ءَ کرغز جمہوریہ ءَ نندوکٰں پاکستانی شہری آں ھوار توامیں در ملکی آنی پاسبانی پجارینگ ءِ واستہ وتی حکومت ءِ جزم ءِ درشان کت۔
