بشکیک آن پین 170مسافر/طالب علم پاکستان آ سرمسر، سول ایوی ایشن اتھارٹی

اسلام آباد۔ 22 مئی (اے پی پی) کرغزستان نا دارالحکومت بشکیک آن پین 170مسافر/طالب علم پاکستان آ سرمسنو۔ پاکستان سول ایوی ایشن اتھارٹی نا ترجمان نا کنڈآن جاری بیان نا رداٹ بشکیک آن پاکستانی طالب علم آتا کشنگ نا چرجوئی ٹی چارشنبے نادے آ اسہ پین جہاز اس ملتان انٹرنیشنل بالی پٹ آ سرمس۔ ایئر ونوماڈاے این نا 4587بشکیک آن سہب انا 3 بجہ  ءُ 44 منٹ آ ملتان آ سرمس۔ جہاز اٹی 170 مسافر /طالب علم آتون عملہ نا 06 بندغ سوار ئسر۔ بالی پٹ و اوپی ایف کمامدارآک وطن آ پدی سرمروک آ طالب علم آتے بخیرکریر۔ اوپی ایف نا کنڈآن طالب علم آتے ریفریشمنٹ و شار آن پیشن 23 طالب علم آتے ٹرانسپورٹ ہم فراوان کننگا۔