پاکستان و کوریا نا نیام اٹ برادرانہ تعلقداری ءِ، کورین کمپنی تے مون تروک چیلنج آتے دمدستی ایسر کننگک، رانا تنویر حسین

اسلام آباد۔ 22 مئی (اے پی پی) بنجائی وزیر صنعت وپیدوار رانا تنویر حسین پارینے کہ پاکستان و کوریانا نیام اٹ برادرانہ تعلقداری ءِ، کورین کمپنی تے مون تروک چیلنج آتے دمدستی ایسر کننگک، کورین کمپنیک اقتصادی زون تیٹی زرکاری کننگ کیرہ۔ وزارت صنعت و واپار آن جاری بیان نا رداٹ داخیال آتا درشانی ءِ او کوریانا سفیر پارک کی جون تون گپ وتران کرساکرے، ہرا چارشنبے نادے آ داڑے اوڑتون اوڑدہی کرے۔ اوڑدہی ٹی تین پہ تینی است خواہی نا امور بشمول ہڑتوم آ کنڈآتا کمکاری آ گپ وتران و پاکستان اٹ کورین کمپنی تے مون تروک چیلنج آتیا گپ وتران کننگا۔ داوخت آ رانا تنویرحسین پارے کہ کورین کمپنی تے مون تروک چیلنج آتے دمدستی ایسر کننگک، پاکستان و کوریا نا نیام اٹ برادرانہ تعلقداری ءِ۔ اوپارے کہ کوریاتون دودوربیدہ ئی و اقتصادی کمکاری تون اوار کیہی بشخ آتیٹی ہڑتوم آ کنڈآتا تعلقداری ءِ۔ حکومت صنعتی سرجزآتے مون آ دننگ کن صنعتی پارکس و خصوصی اقتصادی زون تا جوڑ کننگ آ چکار کننگ اٹیءِ۔ سی پیک اتون انڈسٹریل پاک انا جوڑ کننگ کن 27 ہند آتا پیدورای ءِ کننگانے۔ کورین کمپنیک اقتصادی زون تیٹی زرکاری کننگ کیرہ۔ داوخت آکورین سفیر پارے کہ کورین کمپنیک پاکستان اٹ زرکاری کننگ اٹ است خواہی تخرہ۔