بنجائی وزیر داخلہ محسن نقوی نا کیپٹل ہسپتال نا ایمرجنسی بلاک و لیبءِ اپ گریڈ کننگ نا پڑو

اسلام آباد۔ 22 مئی (اے پی پی) بنجائی وزیر داخلہ محسن نقوی کیپٹل ہسپتال نا ایمرجنسی بلاک و لیب ءِ اپ گریڈ کننگ نا پڑو کرسا چیئرمین سی ڈی اے و چیف کمشنر اسلام آباد آن ماسٹرپلان اس بٹنگانے۔ بنجائی وزیر داخلہ محسن نقوی چارشنبے نادے آ کیپٹل ہسپتال نا دورہ ءِ کرے۔ بنجائی وزیر داخلہ محسن نقوی ہسپتال اٹی درمان نا آسراتی تاجاچ ءِ ہلک۔ وزیرداخلہ محسن نقوی پارے کہ کیپٹل ہسپتال اٹی آپریشن تھیٹر تون اوار درمان نا آسراتی تے گچین کننگک۔ بنجائی وزیر داخلہ محسن نقوی ایمرجنسی بلاک و وارڈاٹی زیر علاج ناجوڑ آتا جان پڑسی ءِ کرے و درمان نا آسراتی تا بارواٹی اَرفے۔ گیشتر مریض آتا ہسپتال اٹی تروک آ آسراتی تیا است جمی نا درشانی ءِ کرے وخت اس کہ گڑاس مریض آک طبی آسراتی تا کمتی نا غاو تسر۔ کینسر نا مرض اٹی اختہ مریضہ راحیلہ بنجائی وزیر داخلہ محسن نقوی ءِ ناجوڑی نا بارواٹ پارسا ہوغا۔ اونا پاننگ ئس کہ 3 تُو آن بننگ اٹی اُٹ کس اس چکار کپننگ ءِ۔ بنجائی وزیر داخلہ محسن نقوی مریضہ ءِ دلاسہ تس و ایگزیکٹیو ڈائریکٹر ہسپتال ءِ مریضہ نا درمان نا بابت پارت تس۔ اوپارے کہ نی فکر کپہ۔ نا جوان درمان ءِ کننگک۔ بنجائی وزیر داخلہ محسن نقوی ڈاکٹر آتون اوڑدہی کرے و اوفتا ویل آتا اَرفے۔ بنجائی وزیر داخلہ محسن نقوی مریض آتیان مفت دوائی و مفت ٹیسٹ انا آسراتی نا بارواٹی اَرفے۔ بنجائی وزیر داخلہ محسن نقوی ڈائیلسز یونٹ۔ واٹر پلانٹ و ایلو وارڈ آتا معائنہ ءِ کرے۔ بنجائی وزیر داخلہ محسن نقوی ڈائیلسز کرفوک آ مریض آتا ریکارڈ ءِ چیک کرے۔