بنجائی وزیر حوالکاری عطاء اللہ تارڑ نا اقوام متحدہ نا گچین کاری گرج آتا جاچ مشن تون گپ وتران

اسلام آباد۔ 22 مئی (اے پی پی) بنجائی وزیر حوالکاری، شینکاری ، قومی میرات و دودوربیدہ عطاء اللہ تارڑ پاکستان اٹ گچین کاری عمل ءِ سوگو کننگ کن جہانی ادارہ غاتا کمکاری نا ستاءِ کرساپارینے کہ سوشل میڈیانا عروج سیاسی اختہ ئی تے پوسکن ءُ دروشم ا س تسنے، ساڑی آ ڈیجیٹل دور اٹی ہراڑے ڈیجیٹل آ تالان حکمت عملی تا کسر آوار مننگ ءِ ہموڑے فیک نیوز، مس انفارمیشن و ڈس انفارمیشن نا چیلنج آک ہم مون تروک ءُ۔ داہیت ءِ او چارشنبے نادے آ داڑے اقوام متحدہ نا گچین کاری گرج آتا جاچ مشن تون اوڑدہی ٹی گپ وتران کرسا پارے۔ اوڑدہی ٹی الیکشن کمیشن آف پاکستان ءِ یواین ڈی پی الیکشن سپورٹ پروگرام نا کمک اٹ تکنیکی کمک نا فراوانی، فیک نیوز، مس انفارمیشن ، ڈس انفارمیشن تون اوار ایلو اہم امورتیا گپ وتران مس۔ بنجائی وزیر حوالکاری اقوام متحدہ نا جاچ مشن نا کنڈآن پاکستان اٹ گچین کاری تا شفافیت کن خذمت آتا ستاءِ کرے۔ اوپارےکہ پاکستان اٹ گچین کاری عمل ءِ سوگو کننگ کن جہانی ادارہ غاتا کمک ستاکڑزک۔ اوپارے  کہ ساڑی ڈیجیٹل دور اٹ پاکستان اٹ گچین کاری مہم آتیٹی بدلی بسنے، سوشل میڈیا نا عروج سیاسی مصروفیات ءِ پوسکن ءُ دروشم ا س تسنے، ساڑی آ ڈیجیٹل دور اٹی ہراڑے ڈیجیٹل آتالان حکمت عملی تا کسر آوار مننگ ءِ ہموڑے فیک نیوز، مس انفارمیشن و ڈس انفارمیشن نا چیلنج ہم مون تروک ءِ۔ اوپارے کہ فیک نیوز، مس انفارمیشن و ڈس انفارمیشن مچ آ دنیانا ویل ءِ۔ بنجائی وزیر حوالکاری پارے کہ الیکشن کمیشن آف پاکستان ساڑی آ دور انا خواست آتار داٹ ڈیجیٹل پڑآ کاریم کننگ ءِ۔