اسلام آباد۔ 17 مئی (اے پی پی) بنجائی وزیر حوالکاری و شینکاری عطاء اللہ تارڑ پارینے کہ وزیراعظم شہباز شریف نا وژن نا رداٹ ملکی زرگزران ءِ دُوارہ پٹڑی آ اتنگ کن سنبرینگوک اُن، ساڑی حکومت نا اقتدار ءِ سنبھالنگ آن پد پاکستان نا زرگزرانی شونداری ٹی ترندی بس۔ داہیت ءِ او پاکستان اٹ تعینات جاپان نا سفیر مٹسوہیروواڈاتون اوڑدہی ٹی گپ وتران کرساپارے۔ اوڑدہی ٹی ہڑتوم آ کنڈآتا سفارتی …
وزیراعظم شہباز شریف نا وژن نا رداٹ ملکی زرگزران ءِ دُوارہ پٹڑی آ اتنگ کن سنبرینگوک اُن، بنجائی وزیر حوالکاری عطاء تارڑ نا جاپان نا سفیر مٹسو ہیروواڈاتون گپ وتران
گیشتریں ھال
اسلام آباد۔ 17 مئی (اے پی پی) بنجائی وزیر حوالکاری و شینکاری عطاء اللہ تارڑ پارینے کہ وزیراعظم شہباز شریف نا وژن نا رداٹ ملکی زرگزران ءِ دُوارہ پٹڑی آ اتنگ کن سنبرینگوک اُن، ساڑی حکومت نا اقتدار ءِ سنبھالنگ آن پد پاکستان نا زرگزرانی شونداری ٹی ترندی بس۔ داہیت ءِ او پاکستان اٹ تعینات جاپان نا سفیر مٹسوہیروواڈاتون اوڑدہی ٹی گپ وتران کرساپارے۔ اوڑدہی ٹی ہڑتوم آ کنڈآتا سفارتی تعلقداری، میڈیا نا بشخ آتیٹی کمکاری، فیک نیوز، حکومت نا زرگزرانی گام گیج آتون اوار تین پہ تینی است خواہی نا اہم امور آ گپ وتران مس۔ ہڑتوم آملک آک پاکستان و جاپان نا نیام اٹ کمکاری نا دنگ ءِ پین ودفنگ آ امنا کریر۔ داوخت آ گپ وتران کرسا بنجائی وزیر حوالکاری پارے کہ پاکستان وجاپان نا نیام اٹ سنگتی و کمکاری نا متکن آ رشتہ ءِ، جاپان پاکستان نا اہم شونداری شریدارءِ، مشکل وخت اٹی جاپان نا کمک پاکستان نا الس کن مدام قابل قدر ئس۔ اوپارے کہ جاپان انٹرنیشنل کوآپریشن ایجنسی (جائیکا) پاکستان نا شونداری ٹی کمک کننگ ءِ۔ بنجائی وزیر حوالکاری جاپان نا سفیر ءِ حکومت نا زرگزرانی گام گیج آتیان معلومدار کرسا پارے کہ وزیراعظم محمد شہباز شریف نا وژن نا رداٹ ملکی زرگزران ءِ دُوارہ پٹڑی آ اتنگ کن سنبرینگوک اُن۔ اوپارے کہ حکومت خراج نیٹ ءِ ودفنگ کن ایف بی آر اٹی اصلاحات تون اوار کاروباری چاگڑد ءِ گچین کننگ و زرکاری ءِ مون آ دننگ کن کیہی گام گیج کرینے، داکان بیدس نجی بشخ ءِ کاروبارا ٹ آسراتی فراوان کننگ کن ہم گام گیج کننگ انگ ءِ۔ بنجائی وزیرپارے کہ ساڑی حکومت نا اقتدار ءِ سنبھالنگ آن پد پاکستان نا زرگزرانی شونداری ٹی ترندی بسنے، جہانی جریدہ ہم پاکستان نا زرگزرانی شونداری ٹی پین گچینی نا پیشن گوئی کننگ ءِ۔ اوڑدہی ٹی فیک نیوز نا توننگ و ہڑتوم آ ملک آتا نیام اٹ میڈیا نا بشخ آتیٹی تعلقداری نا مون آ دسننگ نا بابت امور آ ہم سجفنگا۔ بنجائی وزیر حوالکاری پارے کہ مچ آدنیا ءِ فیک نیوز نا بھلو چیلنج اس مون تروک ءِ،اونا مون ءِ توننگ کن کاریم کننگ نا گرج ءِ۔ داوخت آجاپان نا سفیر پاکستان تون سوگو تعلقداری نا است خواہی نا درشانی ءِ کرے۔ اوپارے کہ حکومت پاکستان نا کاروباری تپہ نا آسراتی کن گام گیج پاکستان ءِ جاپانی زرکارآتیکن زیات پرکشش مزل اس جوڑ کیک۔
