سٹینڈ بائی معاہدہ ٹی پاکستان زرگزرانی سوگوی کن سوگو پالیسی گام گیج کرے، پوسکن آ پروگرام کن گپ وتران برجاءِ، آئی ایم ایف

واشنگٹن۔ 17 مئی (اے پی پی) جہانی مالیاتی فنڈ(آئی ایم ایف ) پارینے کہ پاکستان سٹینڈ بائی معاہدہ ٹی زرگزرانی سوگوی کن سوگو پالیسی گام گیج کریسس، پوسکن آ پروگرام کن پاکستان تون گپ وتران نا چرجوئی برجاءِ۔ داہیت ءِ آئی ایم ایف نا کمیونیکیشن ڈائریکٹر جولی کوزیک واشنگٹن اٹی پریس حوال اٹی پارے۔ اوپارے کہ تدوک آ تُو انا 29 تاریخ آ آئی ایم ایف نا ایگزیکٹیوبورڈ پاکستان نا ارٹ میکو و گڈیکو جاچ انا منظوری ءِ تسوسس اوکان پد پاکستان ءِ 1.1 ارب ڈالر نا قسط جاری کننگا۔ اوپارے کہ سٹینڈ بائی معاہدہ نا رداٹ پاکستان نا حکومت زرگزرانی سوگوی کن سوگو پالیسی گام گیج کرے ہراڑآن زرگزران ءِ سوگو کننگ اٹ کمک رسینگانے۔ اوپارے کہ داوخت آ نتھن پورٹرنا کماشی ٹی آئی ایم ایف مشن پاکستان نا دورہ غاٹی ءِ ہرا پوسکن آ پروگرام کن پاکستانی کمامدارآتون گپ وتران کننگ اٹی ءِ۔ اوپارے کہ آئی ایم ایف مشن نا پدی آ پاکستان تون مروک آ مذاکرات نا جاچ ءِ ہلنگکو ہمونارداٹ فیصلہ کننگک۔