سیکورٹی گڑتی تارداٹ قومی اسمبلی نا ماڑی و لابی تیٹی رکھی گام گیج آتے پک کننگ المی ءِ، خواجہ محمد آصف

اسلام آباد۔ 17 مئی (اے پی پی) وزیر دفاع خواجہ محمد آصف پارینے کہ سیکورٹی گڑتی تارداٹ قومی اسمبلی نا ماڑی و لابی تیٹی رکھی گام گیج آتے پک کننگ المی ءِ۔ جمعہ نادے آ قومی اسمبلی نا دیوان اٹی وزیردفاع پارے کہ بلڈنگ اٹی داخلہ نا ہند آ سد آ بندغ آک ساڑی مریرہ ہرافتااتہ پتہ مفک کہ اوفتے دیر اس ایسنے، ہال انا پیشن ہم مخلوق ساڑی مریک، لفٹ آتا مون و کوریڈور اٹی جلوس نا دروشم اٹ مخلوق مریرہ، داڑآن سیکورٹی نا گڑتی ءِ۔ مہالو ممبر اتون پاس پاسز ایشو کرفنگ نا کچ مقرر ئس۔ اوپارے کہ داسوٹی ہراواقعہ مسنے اوگاڈی دہ دے پاکستان اٹی رہینگا، داڑے ہچ ءُ چیکنگ اس اف و سٹی ءُ شکبر بندغ اس پترینگ انگ کیک ، اسہ اسہ باسک دہ دہ باسک آتے اتنگ ءِ، کناخواست ءِ کہ سیکورٹی گڑتی تا رداٹ رکھی گام گیج  آتے پک کننگے۔ اوپارے کہ گیلری ٹی تولوک مخلوق نعرہ خلیرہ ہراڑآن ایوان نا تقدس مجروح مننگ ءِ، داچرجوئی بایدے چٹے۔